Устоз ва мураббий-ҳаётимизнинг нурли йўлбошчилари

Ҳар бир инсон ҳаётида уни йўлга соладиган,тўғри йўналиш берадиган ва қалбида нур уйғотадиган устоз ва мураббийлар бўлади.
Шу боис мамлакатимизда ҳар йили 1 октябрь-Устоз ва мураббийлар куни сифатида кенг нишонланади.Бу кун аввало,маънавият, илм, таълим ва тарбия соҳасида фидокорона хизмат қилаётган азиз инсонларга чуқур эҳтиром ифода этиладиган айёмдир.
Устоз-маърифат чироғи
Устоз-шогирд қалбига илм ва маърифат уруғини сепувчи муҳтарам зот.
Уларнинг меҳнати билан миллат равнақи,Ватан тараққиёти таъминланади.
Халқимизда “Устозингга хиёнат қилсанг,илмингда барака бўлмайди”деган нақл бор.Бу сўзлар ортида устозлик касбнинг нақадар улуғ ва муқаддас экани яққол намоён бўлади.
Мураббий-тарбия масъули
Мураббий-инсоннинг одоби,ахлоқи ва ҳаётий қарашларини шакллантирадиган суюкли йўлбошчи.У фақат дарс ўтибгина қолмай, балки шогирднинг қалбига ватанпарварлик, инсоф, адолат, меҳр-оқибат каби олий инсоний фазилатларни сингдиради.Шу боис мураббийлик ҳам ҳаётда энг масъулиятли ва шарафли бурчлардан бири ҳисобланади.
Мустақил Ўзбекистонда устоз ва мураббийларга бўлган эътибор
Бугунги кунда юртимизда  устоз ва мураббийларнинг меҳнатини қадрлаш,уларнинг моддий ва маънавий рағбатини ошириш йўлида катта ишлар амалга оширилмоқда.Янги имкониятлар,замонавий таълим тизими,қатор ислоҳотлар уларнинг нуфузини янада юксалтирмоқда.Чунки жамиятнинг келажаги, мамлакатнинг тақдири авлод тарбиясига боғлиқ.
Устоз ва мураббий-инсон ҳаётида энг муҳим,энг азиз шахслардан ҳисобланади.Уларнинг дуолари ва меҳнати билан кўпгина авлодлар илм йўлида катта муваффақиятларга эришмоқда.
Шу боис бу улуғ айём-Устоз ва мураббийлар кунида уларга чексиз миннатдорлик билдириш,иззат-ҳурмат қилиш ҳар   биримизнинг бурчимиздир.

М.Ачилов
ЎМИ Бухоро вилоят 
вакиллиги  хуқуқшуноси