БУХОРО ХАТТОТЛИК МАКТАБИ

Бухоро  хттотлик мактаби  ХVI - ХVII асрларда тараққиётнинг  янги  босқичларига  кўтарилган. Бу даврда  Бухорода хаттотлик тез ривож топиб, машҳур хаттотлар  этишиб чиқган.Бухорода  маданий  ҳаёт  маълум  даражада  тараққиёт   пиллапоясига  кўтарилаётган  бир  вақтда ,  Ҳирот  хаттотлари  ва  мусаввирларидан  бир  қисми Бухорога  келади.Бухоронинг  ўзига  хос  бўлган  янгича китобат  ва  ҳуснихат  санъати  ривож  топади.ХВИ-ХВИИ  асрларда   яшаб  ижод  этган  Бухоро  хаттотлари  ўзига  хос  услуб – мактаб  яратадилар . Тарих  саҳифаларида  Мир  Али  Ҳиравий  Фатхободий , Мирза  Исматуллоҳ  Мунший , Содиқ  Мунший  Жондорий , Мир  Маъсум  Бухорий , Аваз  Бадалий  Бухорий , Ҳожи  Ёдгор , Домло  Бобобек , Абдулмажид  Махдум  Бухорий , Субхонқули , Муҳаммад  Ризо  Намадий , Мирзо  Мавлон  Бухорий , Абдуллоҳ Савдо , Абдулваҳҳобхўжа , Абдулқодирхўжа , Мирзо  Муҳаммаджон , Мирзо  Ишоқ  каби  буюк  хаттотларнинг  номлари  тез-тез  учраб  туриши  бунинг  ёрқин  далилидир . Ўша  даврда  Бухорода  куфий , сулс , ғубор , насх , насталиқ  хатлари  жуда  ривожланган . 
 ХVI - ХVII асрларда  Бухорода  яшаб  ижод  этган  буюк  хаттот  Мир  Убайд  Бухорий  томонидан  насх  хати  асосида  янги  хат  равиши  “Насхи  Бухорий “  ( Мир  Убайдий )  хати  ихтиро  қилинади . Бу   хат  насх  хатиданн  кўра  йирикроқ  бўлиб , узининг  жозибадорлиги  ва   мўъжизакорлиги  билан   ҳар  қандай  кишини  ўзига  мафтун  этади.
       Манбаларда  айтилишича  , кунларнинг  бирида  Мир  Убайд  Бухорий  тушларида  Муҳаммад (с.а.в.)ни  кўрадилар. Пайғамбар (с.а.в.)  Мир  Убайдга  қалам  ҳадя  этадилар. Мир  Убайд  уйғонганларида  эса   галам  қўлларида  бўлади . Ўша  қалам билан  ёза  бошлаганларида  мўъжиза  рўй  бериб , янги  хат  услуби – “Насхи  Бухорий  ( Мир  Убайдий )  вужудга  келади . Бу  хат  тез   орада  Ўрта  Осиё , Афғонистон  шимолида  кенг  таргажиб  ,  мазкур  хатда  Қуръонни  китобат  қилиш  бошланади . Қори  Мирфайз  Бухорий , Қори  Абдулвоҳид  Бухорий , Қори  Аҳмад  Бухорий , Мирзо  Ҳошим  Хўжандий , Муҳаммад Эрсорийлар  “ Насхи  Бухорий “  хтида  Қоръон , “ Далоил  ул  хайрот “ , “ Фарзи  айн “ сингари китобларни ,  хутбаларни  китобат  қилганлар . Кейинчалик  улар  чоп  қилиниб  ( тошбосмада ) ,халқ  орасида  оммалашган  ҳамда  севиб  ўқила  бошлаган . 
     Насталиқ  хати  ҳам  Бухорода  кенг  ёйилиб , китоблар  битилди . Хусусан, ХVI   аср  бошларида  Бухорода  яшаган   Мавлоно  Мир  Али  Ҳиравий  Фатхободий  кўп  шогирд  этиштирдилар. Уларнинг  давомчилари  - Мирзо  Ёдгор , Мирзо  фатҳуллоҳ  Мунший , Мирзо  Исматуллоҳ  Мунший , Домло  Бобобек  каби  буюк   хаттотлар  ўзларининг  буюк  ҳиссаларини  қўшдилар.
   Кейинчалик  мазкур  хаттотлик анъаналарини  давом  эттирган  Домло  Бобобек  ҳам  Бухорода  кўплаб  шогирдлар  тайёрлаб  бу  соҳада  ўзига  хос  мактаб  яратганлар . Насталиқ  хатини  ўргатишда  табиат   гўзалликларидан   илҳомланиб  , ҳарфлар  ёзилишини  ҳайвонларга , меваларга  қиёслаганлар  ва  ҳарфларни  турли  исм  билан  атаб   шогирдларига  таълим  берганлар. Масалан:      (айн)  ҳарфига  кўринишига  қараб “фам  ул- асад “ (шер  оғиз ),  “фам  ул-суъбон “( илон  оғиз ),”аззун  намла “ (чумоли  чимдиси );    (мим )  ҳарфига  эса “ аждар  мим”, “хурмойи  мим “, “ ғунча  мим” , “ мими  тождор “ ва  ҳоказо  деб  ном  берганлар.Бобобек  ҳазратлари  ,хаттотликдан  ташқари , адрас   тўқиш  билан  ҳам  шуғулланганлар.Ёзган  хатларининг  остига  кўпинча  “ Иштибар” , яъни  соққачи  деб  имзо қўганлар.
  Бобобек   ҳазратларининг   таниқли  шогирдларидан  Саид  Умар , Мирзо  Саримсоқъбек  Жиззахий  ,  Мулло  Субҳонберди ( “Домлои  Жим “ лақаби  билан машҳур)  кабилар  давом  эттирганлар.
   Инқилобдан  кейинги (1924-1991) йилларда    Бухоро  хаттотлик  мактаби  бошқа  санъат  ва  ҳунарлар  қаторида  анча  ривожланишдан   тўхтади.Мустақиллигимиз  шарофати  билан , хаттотлик  санъатининг  ривожланиши  учун  кенг  йўл   очилди. 

Сафаров Давлат,
Мир Араб ўрта махсус
ислом таълим муассаси ўқитувчиси