MUSTAQILLIK – MILLIY G‘URUR VA TARAQQIYOT TIMSOLI

Mustaqillik – har bir xalq, millat uchun eng oliy ne’mat, erkinlik va o‘zligininamoyon etish imkoniyatidir. Mamlakatimiz 1991-yil 31-avgustda o‘zsuverenitetini e’lon qilganidan buyon o‘tgan 35 yillik vaqt mobaynida O‘zbekistonjahon xaritasida o‘zining munosib o‘rnini egalladi, davlatchilik an’analarini qaytatikladi va barqaror taraqqiyot yo‘liga o‘tdi.

Davlatchilikning dastlabki yillarida milliy valyutamiz, Konstitutsiyamizhamda davlat ramzlarining joriy etilishi mustaqil hayotimizning poydevoriniqo‘ydi. Ma’naviy merosimiz, buyuk ajdodlarimiz – Al-Xorazmiy, Ibn Sino, Beruniy va Amir Temur kabi siymolarning nomlari va ilmiy merosi qayta tiklandi. Bu davr xalqimizda milliy o‘zlikni anglash va boy tariximizga hurmat hissinishakllantirdi.

Bugungi kunda mamlakatimiz yangi rivojlanish bosqichini boshdankechirmoqda. Amalga oshirilayotgan keng ko‘lamli islohotlar O‘zbekistonningiqtisodiy va ijtimoiy qiyofasini tubdan o‘zgartirganiga quyidagi o‘zgarishlarnimisol qilib keltirish mumkin:

- Valyuta bozorining erkinlashtirilishi va xususiy sektorni qo‘llab-quvvatlashnatijasida iqtisodiyotimiz jadal o‘smoqda;

- Markaziy Osiyoda o‘zaro do‘stlik hamda hamkorlik muhiti qaror topdi, mamlakatimiz xalqaro hamjamiyatda faol va tashabbuskor sub’yektga aylandi;

- Yoshlarning zamonaviy bilimlarni egallashi, IT-sohasining rivojlanishi hamdaoliy ta’lim qamrovining keskin oshishi kelajak uchun mustahkam zaminyaratmoqda.

Amalga oshirilayotgan bu o‘zgarishlar faqatgina iqtisodiy yoki siyosiyjabhalar bilan cheklanib qolmay, xalqimizning ma’naviy-ma’rifiy, xususan, diniysohadagi huquq va erkinliklarini ta’minlashda ham o‘zining yorqin ifodasinitopmoqda. Keyingi yillarda mamlakatimizda vijdon erkinligini ta’minlash, islomdinining asl insonparvarlik mohiyatini keng targ‘ib qilish yo‘lida tarixiy qadamlartashlandi.

Yurtimizda islom qadriyatlarini to‘g‘ri anglash va o‘rganish maqsadidapoytaxtimizda muhtasham O‘zbekistondagi Islom sivilizatsiyasi markazi barpoetildi. Shuningdek, Samarqandda Imom Buxoriy va Imom Moturidiy, Surxondaryoda Imom Termiziy, Qashqadaryoda Abu Muin Nasafiy nomidagixalqaro ilmiy-tadqiqot markazlari hamda Hadis ilmi maktabi kabi nufuzlimuassasalar faoliyati yo‘lga qo‘yildi. Diniy va dunyoviy bilimlarni o‘zidajamlagan O‘zbekiston xalqaro islom akademiyasi yetuk kadrlar tayyorlashmaskaniga aylandi.

Yurtoshlarimizning muqaddas ziyoratlarni ado etishlari borasidagi yillabkutilgan orzulari ushaldi. Haj ziyoratiga boruvchilar kvotasi bir necha barobaroshirildi, Umra ziyorati bo‘yicha esa barcha cheklovlar bekor qilinib, xususiysektor (turistik firmalar) orqali ziyoratni tashkil etishga ruxsat berildi. Bu ziyoratchilarimiz uchun ulkan qulayliklar va raqobat muhitini yaratdi.

Yangi tahrirdagi “Vijdon erkinligi va diniy tashkilotlar to‘g‘risida”giqonunning qabul qilinishi diniy muassasalarni ro‘yxatdan o‘tkazish tartibinisezilarli darajada yengillashtirdi. Respublikamizning barcha hududlarida yangi, zamonaviy masjidlar qurilib, foydalanishga topshirilmoqda. Xotin-qizlar va erkaklar uchun Qur’on tajvidini o‘rgatish kurslari keng yo‘lga qo‘yildi.

Diniy e’tiqodi sababli adashib yot g‘oyalar ta’siriga tushib qolgan minglabfuqarolarimiz “maxsus hisob”lardan chiqarildi va jamiyatga to‘laqonli qaytarildi. “Mehr” gumanitar operatsiyalari doirasida Yaqin Sharq va Afg‘onistondagi urusho‘choqlaridan ayollar va bolalar Vatanga olib kelinib, ularning sog‘lom hayotgamoslashishi uchun barcha ijtimoiy, tibbiy va psixologik sharoitlar yaratildi.  

O‘zbekistonda nafaqat islom, balki boshqa din vakillari uchun ham ibodatqilish, o‘z diniy bayramlarini nishonlash uchun barcha huquqiy va amaliykafolatlar yaratilgan. Turli millat va elatlar o‘rtasidagi ahillik O‘zbekistondagi tinchlik-barqarorlikning asosiy tayanchlaridan biri bo‘lib qolmoqda.

Milliy g‘urur – bu shunchaki o‘tmish bilan faxrlanish emas, balki bugungiyutuqlarimiz va kelajak borasidagi qat’iy ishonchimizdir. “O‘zbekiston – 2030” strategiyasi doirasida belgilangan ulkan maqsadlar, yashil energetika loyihalarihamda “inson qadri uchun” tamoyili har bir fuqaroda kelajakka nisbatan kattaumid va mas’uliyat uyg‘otadi.

O‘z Vatanining tinchligi, taraqqiyoti va har bir sohadagi g‘alabalari, ayniqsa, e’tiqod va vijdon erkinligi ta’minlangan jamiyatda yashash baxti bilan faxrlanish - har birimiz uchun eng oliy tuyg‘udir. Mustaqil O‘zbekistonimizning har bir zafariva erishayotgan marralari barchamizning umumiy g‘ururimizdir.

Xulosa qilib aytadigan bo‘lsam, O‘zbekiston o‘zining 35 yillik mustaqiltaraqqiyoti davomida ulkan va sharafli tarixiy yo‘lni bosib o‘tdi. Bugungi kundabarcha sohalarda – xoh u iqtisodiy taraqqiyot bo‘lsin, xoh ta’lim va inson kapitali, xoh diniy-ma’rifiy sohadagi mislsiz erkinliklar bo‘lsin – amalga oshirilayotganyangilanishlar yagona va ulug‘ bir maqsadga, ya’ni “Inson qadri uchun” deganezgu tamoyilga xizmat qilmoqda.

Moddiy va ma’naviy yuksalishni uyg‘un holda olib borayotgan Yangi O‘zbekiston bugun o‘zining tinchligi, millatlararo totuvligi va diniy bag‘rikengligibilan jahon hamjamiyatiga o‘rnak bo‘lmoqda. Ajdodlarimizning boy ilmiy-ma’naviy merosini asrab-avaylash, sof e’tiqod erkinligini ta’minlash hamdaxalqimizning qalbidagi shukronalik hissi – bu bizning eng katta boyligimizdir.

Zero, chinakam mustaqillik va milliy g‘urur – bu nafaqat erkinlikni qo‘lgakiritish, balki uni ko‘z qorachig‘idek asrab, keyingi avlodlarga qudratli, ma’nanbarkamol va farovon Vatan qoldirish demakdir. Bu yo‘lda jipslashib, yurt ravnaqiuchun sidqidildan xizmat qilish har birimizning eng oliy farzandlik burchimizdir.

Mirshod Raxmonov,

Mir Arab o‘rta maxsus islom

ta’lim muassasasi o‘quv-uslubiy

bo‘lim boshlig‘i