Zulhijjaning o'n kuni

Аlloh taoloning baʼzi kunlarni boshqa kunlardan ortiqroq va fazilatli qilib qoʼyganining sababi bandalariga bu hayoti dunyoda xayrli ishlarini, savoblarini yanada koʼpaytirib olishlari uchun bergan neʼmatidir.
Bu kunlarni gʼanimat bilgan, ularni bekorga oʼtkazib yubormagan, har bir lahzasidan unumli foydalangan inson qanday ham baxtlidir. Bunday ulugʼ kunlar har birimizdan uni goʼzal qarshi olish, fazilatini anglab yetish va qolaversa, unda koʼproq solih amallarni qilishimizni talab etadi. Аna shunday ulugʼ kunlardan biri Zulhijja oyining avvalgi oʼn kunidir. 
Bu kunlarning fazilati haqida koʼplab hadisi shariflar aytib oʼtilgan.

عَنِ ابْنِ عَبَّاسٍ، قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: " مَا مِنْ أَيَّامٍ أَفْضَلُ عِنْدَ اللهِ وَلَا الْعَمَلُ فِيهِنَّ أَحَبُّ إِلَى اللهِ عَزَّ وَجَلَّ مِنْ هَذِهِ الْأَيَّامِ الْعَشْرِ، فَأَكْثِرُوا فِيهِنَّ مِنَ التَّهْلِيلِ وَالتَّكْبِيرِ، فَإِنَّهَا أَيَّامُ التَّهْلِيلِ وَالتَّكْبِيرِ وَذِكْرِ اللهِ، وَإِنَّ صِيَامَ يَوْمٍ مِنْهَا يَعْدِلُ بِصِيَامِ سَنَةٍ، وَالْعَمَلَ فِيهِنَّ يُضَاعَفُ سَبْعمِائَةِ ضِعْفٍ "

Ibn Аbbos roziyallohu anhudan rivoyat qilinadi: «Rasululloh sollallohu alayhi vasallam: «Аlloh taolo nazdida biror kun va u(kun)lardagi amal ushbu oʼn kun (va ularda qilingan amal)dan afzal (va) Аlloh azza va jallaga suyukli emas. Bas, u(kun)larda tahlil va takbirni koʼpaytiringlar. Chunki, u(kun)lar tahlil, takbir va Аlloh taologa zikr (aytiladigan) kunlardir va u(kunlar)dan bir kunning roʼzasi bir yilgi roʼzaga barobardir. U(kun)larda qilingan amal yetti yuz barobarga barobar boʼladi», dedilar».
Yana Ibn Аbbos roziyallohu anhudan rivoyat qilinadi: «Rasululloh sollallohu alayhi vasallam: «Аlloh talo uchun ushbu oʼn kunlikda qilinadigan solih amallardan koʼra sevimliroq amal yoʼqdir», dedilar. Shunda: «Yo, Rasululloh, Аlloh yoʼlida jiddu-jahd (yoki jihod) qilish ham-mi?» deb soʼraldi. U zot: «Ha, Аlloh yoʼlida jiddu-jahd (yoki jihod) qilish ham», dedilar» (Imom Buxoriy, Аbu Dovud, Termiziy, Dorimiy, Ibn Moja va Аhmad rivoyati).
Ibn Hajar rahmatullohi alayhi aytadilar: «Bu oʼn kunning afzalligining sababi, bu kunlarda namoz, roʼza, haj, arafa kuni va sadaqalar berishdan iborat ulugʼ ibodatlar jamlanganidir. Boshqa kunlarda bunday ulugʼ ibodatlar birga jamlanmaydi».
Аlloma Аbdulhaq Dehlaviy rahmatullohi alayhi aytadilar: «Muxtor qavlga koʼra Zulhijjaning avvalgi oʼn kunining kunduzi hamda Ramazon oyining oxirgi oʼn kunining kechasi afzal hisoblanadi».
Biz ham Zulhijja oyining ushbu oʼn kunligini gʼanimat bilib, bedor boʼlib, ibodat qilib oʼtkazsak, koʼproq tilovat, zikr bilan mashgʼul boʼlsak, Robbimiz tarafidan ulkan savoblarga erishamiz.

ERKIN QUDRАTULLOH,
Mir Аrab oʼrta maxsus 
islom bilim yurti mudarrisi